Физик культура һәм спорт идарәсе

Физик культура һәм спорт идарәсе үз эшчәнлеген Татарстан Республикасының «Физик культура һәм спорт турында»гы Законы, Татарстан Республикасы Министрлар Кабинеты, Яшьләр эшләре һәм спорт министрлыгы карарлары, «Яр Чаллы шәһәрендә физик культураны һәм спортны үстерү программасы» нигезендә алып бара.

Физкультура һәм спорт идарәсенең төп бурычлары түбәндәгеләр:

- шәһәр территориясендә физик культура һәм спортны үстерү өчен шартлар булдыру;

- физкультура-сәламәтләндерү һәм спорт буенча рәсми чаралар үткәрүне оештыру;

- физкультура-спорт юнәлешендәге муниципаль оешмалар эшчәнлеген координацияләү;

- халык арасында физик культура һәм спортны, сәламәт яшәү рәвешен пропагандалау.

Шәһәрдә спортның 76 төре гамәлдә. Спортның иң популяр төрләре: футбол, хоккей, суда йөзү, волейбол, баскетбол, җиңел атлетика, шахмат. 2021 елда физкультура һәм спорт белән системалы шөгыльләнүчеләр саны 50,7% ны тәшкил итте, бу – 3 яшьтән соңгы барлык шәһәр халкының 254 959 мең кешесе.

Яр Чаллы шәһәрендә яшәүчеләрнең физик культура һәм спорт өлкәсендә төрледән-төрле ихтыяҗларын канәгатьләндерү өчен  шәһәрдә 1107 спорт корылмасы бар.

Шәһәрнең спорт мәктәпләрендә һәм олимпия резервындагы спорт мәктәпләрендә барлыгы 9079 кеше спорт әзерлеге алып бара.

Идарә 17 муниципаль физкультура-спорт учреждениесе эшчәнлегенә оператив җитәкчелек итә. Физик культура һәм спорт идарәсе 17 спорт мәктәбеннән тыш барлык мәгариф оешмаларының физик культура һәм спорт коллективлары белән үзара хезмәттәшлектә эшли.